هموم مواطن

لمشاهدة أفضل للموقع ينصح باستخدام متصفح الانترنت مايكروسوفت الاصدار 7 أو المتصفح فايرفوكس الاصدار 3.5.6

موقعكم بحاجة لمشاركاتكم فلا تبخلوا عليه بما عندكم من مقالات – صور – أفلام – وثائق – تعليقات فالجميع بانتظاركم

قريباً جداً سيتم تفعيل القسم الخاص بالمرأة بعنوان ( نصف المجتمع ) أرسلي مشاركاتك فوراً ضمن إحدى الزوايا التي يشملها القسم ( ثقافة المرأة – استشارات ونصائح – موضة وأزياء – مكياج وتجميل – تغذية وتنحيف)

مهموم

هذه الزاوية بإشراف الإعلامي الكبير الأستاذ عمر عيبور و يمكنكم عرض مشكلاتكم فيهالعرضها على الجهات المعنية

2010-09-03		ليش الحضارة عم ترجعنا سنين للوراء
أكيد كلنا عم نتابع التقدم الحضاري اللي وصلت له الدول الأوربية والعربية باستثناء بعضها ولكن السؤال اللي عم يدور في بالي ليش نحنا حظنا من الحضارة هيك وليش الحضارة والتقدم ماعلموا على احترام المواطن اللي تعبته هموم الحياة اللي شايلهاعلى ظهره والله وصلنا لحال يرثى له بعد ما كاد المعلم أن يكون رسولا أصبح الآن متسولا تائهاً محسودا يا ناس الكل بيحسد المعلم أنه عنده إجازة صيفية وقاعد ببيته وعم يقبض معاشه ولكن ما حدا بيعرف أنه المعلم عم يقضي شهري حزيران وتموز مراقبة وتصحيح امتحانات وبيبقى شهر آب للعطلة اللي ماعاد عرف المدرس وين بدو يقضيها بسبب غلاء تكاليف الترويح عن النفس فالشاليهات والمطاعم سجلت أسعار قياسية لهذا العام ولكن عمره هالمعلم مايروح عن نفسه ليش هو شوكان عم يساوي أثناء السنة أكيد لافف رجل على رجل .وجاءت المفاجئة دورة مناهج في العشر الآواخر من رمضان وتوقيتها بعز دين الشوب من9-3.30 عصرا في مراكزمامجهزة ولا حتى بمروحة (شو رأيكم )
دوما		majeedfadwa@gmail.com

2010-09-02		جاي من المريخ عم اكل بطيخ
والله انا بشهد انو في تقدم عنا من كل النواحي وخاصة برمضان . الشغلة الحلوة انو المسحر عم يدق على الطبل وهو راكب بسكليتة يعني يا دوب بينسمع دقة صغيرة منفكر انو في شي ولد لحش حجر بالشارع . اليوم المسحر راكب بكسليته بكرة ان شا الله على الايميل بيجيك رسالة (اومو على سحوركم اجا رمضان يزوركم )بس في تحت ملاحظة انو لالغاء الاشتراك برسائل التسحير يرجى ارسال رسالة فارغة مع دفع ايام التبليغ
بلد الحضارة \دوما		alaalooby@hotmail.com

2010-08-30		طناش بطناش
يعني لشو كترة الحكي على باصات مملوك مافي حدى رح يسمعكن فهموا بقى !!!!!!!!!!!
.		.

2010-08-20		ابو الفوز
نتمنى من مللوك ان ينزل الوان جديدة متل مثلا زهري وخمري وازرق وعفني وابيض واخضر فاتح واخضر غامق ووكافة سيري الالوان ونتمنى كمان الوان عرايسية ذهبي وفضي بيصير الواحد بيختار اللون يلي بيحبو وبتنحل المشكلة
.		.

2010-08-17		المتشائمة جداً
السلام عليكم : يعني اليوم بعد ماشفت برنامج خواطر على قناة اقرأ انتابتني موجة من الشاؤم واليأس ما بعدها موجة والله أنه النقل بدبي وقطر صار خمس نجوم شوبدي عد وأحكي : مواقف نظيفة ومكيفة .وبلا بهدلة ووقوف تحت عين الشمس . بطاقات مسبقة الدفع بلمسة بتسجل رصيدك مثل عنا تمام يعني بين ما توقف وتقطع البطاقة ويرجعلك الكمالة بيكون فرمل شي 100مرة وأنت تكة وبتصير بالشارع وأكيد هون الحق عليك لأنك مو متمسّك منيح هذا طبعاً إذا لقيت مكان تتمسك فيه لأنه كل العالم اللي على الواقف نتمسكة بإيديها ورجليها من خوفها توقع بسبب الفرملات المتكررة أو السرعة الزائدة وخاصة والشوفيرعم يحكي كان اليوم على الموبايل يعني فيكن تقولوا صار باص ملوك طيارة ودمتم سالمين من كل أذى.
دوما		majeedfadwa@gmail.com

2010-08-13		غربتلي
يعني ليش رفعوا بدل الجيش
التل		مابكتبوا

2010-08-13		بشيرو
كل عام وانتم بخير رمضان كريم تركو مللوك بحالوالزلمةعميشتغل هي السائق صار كسمو سائق طبعا" بلبدلةالجديدة اذا كل ثمانيةاشهر بحل مشكلة بقول لكل المتشائمين امورنا بخير المشاكل ستحل على زمان احفادنا على اقرب تقدير انشاء لله اللهم اني صائم
دوما		.

2010-08-12		مهموم
بتعرف النهار طويل وصيام والله يعيد هالشهر علينا وعليك بالخير والعافية بس انشالله يتمو باصات الهوب هوب هوب ملوك لللسنة الجاي لاان السنة الجاي بكون النهاربرمضان اطول من هي السنةوبتعرفو اذا الواحد بدو يضوع وقت هي الشغلة سهلة كتير يعني عميل مشوار واحد عالشام بيخلص النهار يعني قول لحالك بدي جيب مثلا جرزة كزبرة من الشام واركب بالباص بعد صلاة الظهر بترجع بكون ضارب المدفع صار الو خمس دقائق وبهيك احسن وسيلة لتقطع وقتك برمضان وبغير رمضان اذا بدك تشم الهوا وتتسلى بس انتو ادعوا لله عزوجل انو باصات الهوب هوب ملوك يكونو السنة الجاي عالخط والا بتقضو رمضان اصعب من الســــم والسلام عليكم ورحمت الله وبركاتو
دوما		amar_shamdar@hotmail.com

2010-08-11		عدنان عبد الرحيم حامد
أخواني الاعزاء الرجاء قبول الشكر الخاص لصاحب فكرة هذا الموقع. اما بالنسبة لوضع دوما فهو كما كان من زمان وبالعكس فالتطور الدوماني يمشي للوراء . وبالله المستعااااااان والله لو مااهلينا فيها لما اجيها ولو زيارة
السعودية		شيىشىاشةثي@اخفةشهمزؤخة

2010-08-08		شاب مغترب
تحيية طيبة للجميع في مشكلة موجودة بس مافي حد سائل الشباب في الطرقات ماعندهم أدب الطريق يعني مرة كنت مع اهلي في اسوق وطبعا الشباب بيحكوا من الزنار ونازل مافي ادب لحرمة الطريق يعني تصور حالك مع اهلك امك اختك عمتك.....الخ وانت واهلك تسمعوا هيك شي ولله شئ مخزي فعلا لزم يكون في حملة توعية من اهل اولا ومن الدولة ثانياوشكرا الى كل من ساهم في هذا العمل الرائع الذي نفتخر فيه فعلا
الامارات		.

2010-08-08		مغترب سوري بلندن
جيت زيارة عبلدي سوريا وعمدينتي دوما وياريتني ماجيت جد حسيت بأحساس غريب ورجعت علندن وعم فكر ماارجع مرة تانية لك معقول هالحكي الباص مابيمشي الا اذا ركابه فوق 50 مع انه مخصص لـ 30 واذا ماعجبك قوم انزل معقول هالحكي ماحدا من اخوانا المسؤولين انتبه لهالشي نرجوا الاهتمام وشكرا
حاليا لندن		wseamalez83@yahoo.com

2010-08-08		لمتشائمة
والله أنا صرت يائسة من هذا الوضع اللي كل ماله للأسوء يعني أنا موظفة عمل إضافي بالشام وعم أضطر أنزل يوميا ولكن والله عم أتعرض لكل موقف أسوء من الثاني بهيك حضارة نقل يعني عم أقضي وقتي على الواقف وطبعاً كأنه العالم تعودت وبصراحة من النادر أنه يقوم رجل ويخلي الست هي تقعد (وأنا مابلوم حدا لأنه الشغلة باينة مطولة )بس الله لا يريكم لما الشوفير بلف كوع أو بفرمل شو ممكن يصير عن جد أكثر من مرة رح نوقع أو مننخبط بالرجال إخوانا المجاهدين في نفس الرحلة . وأيضاً طلع قرار من أجل حزام الأمان وياويله اللي بخالف ونحنا بهيك باصات هل نكون استثناء من هذا القانون . والأهم ياريت المسؤول يطلع ويشوف الزفت والسواد اللي معلق بالكراسي والعلاقات اللي عم تتشعلق فيهن الناس ياترى شو بيصير إن فرضو على الشركة تنظيف الباص بالماء والصابون مرتين يومياً على الأقل.يعني رح تخسر شركة مللوك أكيد أفضل مايخسرشي مواطن نفسه أو ابنه من الجراثيم والفيروسات اللي رح تنتقل بهذا الجو الحار
دوما		majeedfadwa@gmail.com

2010-08-07		أبو لؤي
مدرسة تعليم السباحة في دوما هي من أهم المدارس في سوريا ولكن بعد استلام الادارة الجديدة هي اسؤ المدارس من ناحية نظافة الماء لون الماء مع الاسف أخضر طالع فيها طحالب ويوجد بداخل الماء حشرات صغيرة (بلاعط)وكل يوم والثاني يتم تعطيل الطلاب عن السباحة بسبب الماء الوسخة انهت الصيفية ولم يتعلمو الطلاب شيئ بسبب العطل المتكررة سؤال ماذا فعلت الادارة الجديدة باالماء ومن مؤل على ذلك
دوما		huvh2009@hotmail.com

2010-08-06		بشيرو
عند اخراج المكاري الصغيرةعن خط دوما سمعنا عن الحضارة فهل الحضارةان ينتظر الاطفال باصات الشركة اكثرمن نصف ساعة تحت اشعةالشمس الحارقةوزحمةتحديدا من الساعة4.30 الى ماشاء الله وشكرررررا""""
.		.

2010-08-06		بشيرو
السلام عليكم الى المعنين بلأمر في مدينة دوماحرصا"على سلامة المواطنين والسائقين نرجوتطبيق القانون الذي يلزم سائق باص الروضة بوضع عبارة وقوف متكررعلى باصات الحضارة بعبارة نظرا""لوقوفه كل 6 --10م اما لانزال راكب اولصعود راكب ولكم جزيل الشكر
.		.

2010-08-05		عبد الله
مهم جدا يعني مافي حدا من المسوؤلين شايف الزحمة والباصات الجديدة قليلة جدا الشغالين مابيتجاوزا 20 باص طلعو وعدوهن علماأن عدد سكان دوما تجاوزأربعمائة ألف نسمة ناهيك عن الأخوة العراقين يلي بيجوا كل يوم على الهجرة والجوازات والناس الجاين من برا والباص لازم مايمشي لحتى يكون ملان يعني في شي ستين واحد على الأقل مع العلم أنو مخصص ل30 شخص وكل عشرة أو عشرين متر لازم يوقف يطلع أوينزل لأنو مافي مواقف رسمية في دوما وكل شفير ألو خط لحالو وعلى كيفو بيمشي المشكلة بكره في رمضان شوبدنا نسوي نفطر على الطريق كل يوم ونحنا راجعين من شغلنا بتمنى شي مسؤول يطلع شي يوم بالباص ويشوف التخلف بعدين شركة النقل الداخلي بدمشق شوجابها على دوما ليعملو الميكرو نقل داخلي في دوما والباص نقل خارجي الى دمشق يعني من محافظة لمحافظة وين صارت هي الا بدوما وين الناس أتمنى من الاخ عمر عيبور أنو ينظر بجدية لهذا الموضوع ويخصص حلقة من شكاوى المواطنين لأهالي دوما بلده !!!؟
دوما		.

2010-08-01		دحام
كنت داخل حديقة الجلاء عم اتسوق وانا جوا الحديقة بعد ما فتت واستأذنت لانو ممنوع الدخول الا للعائلات وانا بداخل الحديقة جاءوا بعض الشبان وطردوني بدون سبب
دوما		d7amnoor615@hotmail.com

2010-08-01		مهمــــــــــــــــــــــــــوم
الهوب هوب هوب هوب اذا انت راكب بسيارتك لحالك بدك حزام امان بس باصات ملوك مأمنة خالصة ما بدها حزام امان حتى لو كنت انت وخمسين واحد عالواقف بس بتعلمك تعمل حضرة نبوية متل ايام زمان يعني ذكر ورقص وهيك بتتعلم يااخي كل شي ولا تفكرو انو نغير الباصات لاان الخط تبع دوما باعو وقبضو ثمنو يا اخي بدكن ما تركبولاتركبو هي الباصات يا بتروحو مشي المهم شو بدكن يعني تساوو ما بتحسنو تساوو شي بدنا هي الباصات وبس ولا حدا يحكي ابدا منزعل منو ي؟؟؟؟؟؟؟؟؟؟؟؟ يا اخي اعتبر حالك من زمان كانو يروحو عالشام مشي عالاقدام ليش مستعجل يحكيلنا ابي نروح عالشام بنهار واحد نروح ونجي وهلا نحن منحب التراث يا اخي بنهار واحد بتحسن تروح وتجي عالشام والشغل بيخلص والعمر ما بيخلص وشوي شوي شوي هوب هوب هوب ليش مستعجل
دومـــــــــــــــــــــــــــأ		post_2222@hotmail.com

2010-07-30		ما بعرف
نسن اكتب لكم عن مشكله النترنت ولو كانت مشكلة سوريا كله ياشباب الناس للمام بس نحنا لورابالسعودية النترنت ارخص من الفجل
كمان مابعرف		.

2010-07-30		ما بعرف
السلام عليكم بسم الله الرحمن الرحيم شو بدي اشيكي لكم من هموم الشوارع المحفرة اقسم بالله العظيم في حفر صار لهاخمس سنين وربما عشر ام مشكله الباصات ام مشكلة النظافة التي تشتهربها مدينة دوما يعني كتار من برا دوما بقولوا لي دوما على طول شوارعها محفرة ووسخةام مشكله التنظيم اللي صارله 50 سنة على قول البعض واعضاء المجلس البلدي موقفينوا ليش وا حدا بيعرف لح اقول كلمتين بس ماحدا يزعل مني يعني الاستاذ عمر عيبورما بيعرف بهيك مشاكل وهموم انا شخصيا لا اشكوا همي الا لله عز وجل {اللهم اني اشكوا اليك همي وهمموم اهل دوما يارب فرج عناما اهمنا امين امين والحمد لله رب العالمين
كمان مابعرف		.

2010-07-30		هشام مجيد
الا ستاذ عمر خليل عيبور المحترم - نرجوا لفت نظر مجلس مدينة دوما الى شراء سيارة لنظيف اطراف الشوارع التي تزيل الغبار وترش الماء بنفس الوقت وهذه السيارة لابد منها في كل بلد ولك جزيل الشكر
دوما		enjoy-go@hotmail.com

2010-07-30		بغار على بلدي
السلام عليكم ورحمه الله وبركاته والله هلمره رح اكتب من حرقه قلب !!!!!مبارح بالذات جاي من الشام على الباصات الحضاريه الجديده (بدون تعليق!!!) ومتل العاده ما كان في باصات على كل الخطوط فقام مراقب الخط بتحويل احد الباصات العامله على خط الكرنيش الى الكرنيش السريع فتحول سائق الياص من حمل وديع الى شخص لايعرف في الدنيا سوى السباب لدرجه انه سب النسوه وتقاتل مع احد الركاب من اصحاب النخوه في هذا البلد وطبعا لن اقول لكم ما هي الكلمات لانني متاكد انكم ولى حد ما قد سمعتموها من سائقي الباصات الذين لا يعدون سوى شفيوريه طنابر في سوق الهال وعذرا على هذا التشبيه ولكن للاسف الى اليوم لايوجد اي تعليق من جهه رسميه واحده رغم كل هذه الشكاوي ومتل ما بقولو الشكوى لغير الله مذله والله يعينا احسن شي
دوما		khalilshmali@hotmail.com

2010-07-29		بغار على بلدي
السلام عليكم ورحمهالله وبركاته هالمره لنحكي عن البلديه شوي واذا بحقلنا نطرح سؤال !!!!!!!! ايمتا رح نشوف الحدائق الموجوده على المخططات على ارض الواقع حتى نكون عن جد بلد للبيئه وما نخلي البيئه بس بالكورنيش وخلينا نتطلع خلف ظهورنا شوي ونشوف باقي البلد شو حالها لانو البلد مو شارع او اثنين البلد لكل الناس من شرقها لغربها مو من القوتلي للكرنيش وبس وشكرا الكم على اي حال بضل لفته حلوه منكم
دوما		khalilshmali@hotmail.com

2010-07-29		بغار على بلدي
السلام عليكم ورحمه الله وبركاته مازال موضوع النقل العام المشكله التي لازمتنا لفتره لم تعد قصيره ابدا وما كان دخول الميكرو باصات الجديده باسم شركه معينه الا وبالا جديدا حيث ان هذه الباصات الجديده سائقوها هم من يتحكمون بالشركه لا العكس حيث اخترعو لانفسهم مواقف خاصه تكون فيها الباصات كما القطار واناس في الشوارع تحت الشمس تنتظر وما زالت الميكرو باصات الداخليه تسير نفس الخط الذي تسير فيه الباصات العمله الكبيره دون اي تغيير فما زال هناك مناطق كثيره غير مخدمه بالنقل العام وما زال كثير من المواطنين يسيرون مسافات حتى يصلو الى بيوتهم وكما تعلمون فان رمضان على الابواب اعاده الله علينا وعليكم باليمن والبركه فنرجو منكم ان تضعوا الحلول لا ان تطرحوها فقط فنحن لا نسعى سوى ان تقدم للافضل لا ان نبكي على الاطلال حرصا على اعراضنا واسم مدينتنا التي تعتز باننااحد افرادها فان طرح المشاكل اصبح موضه هذه الايام ولكن هيهات من حلول والشكر الجزيل للقائمين
دوما		khalilshmali@hotmail.com

2010-07-29		أسامة
المشاكل المعروفة في دوما تصنف حسب الأوولوية كما يلي : - النقل(باصات مللوك) بالاضافة إلى ضرورة تنويع خطوط النقل الدخلي داخل المدينة. - القمامة (في عام البيئة يجب العمل على محورين المواطن + البلديةبالاضافة إلى زيادة عدد الحاويات ) - عدم إقامة الأعراس و المناسبات في الشوارع و عدم السماح بذلك صار عيب . - يمكن للمساجد من خلال مديرية الأوقاف أن تعمل على مخاطبة الجمهور بما يفيد زيادة الوعي العام لدى المواطن في كل ما يتعلق بالمظاهر الحضارية و التمدن و التصرف الصحيح و منع التسرب من المدارس إلى ما هنالك. - موضوع المخطط التنظيمي غني عن الذكر...
دوما		oussama911@hotmail.com

2010-07-29		مواطن
نرجوا منكم مخاطبة المسؤولين لحل مشكلة الباصات ومشكلة المواصلات لانها تشعر المواطن بعدم اهميته وعدم اهتمامكم به
.		.

2010-07-29		هشام مجيد
الاستاذ عمر خليل عيبور - تحية طيبة وبعد - انا اسمي هشام مجيد من سكان واهالي دوما شارع الجلاء بناء الخطيب - لد ي اسرع مؤلفة من خمسة ابناء وكلهم بالمدارس - وما نعاني منه هم باعة ما يسمة ( مياه بقين ) نحن نعاني من اصوات مكبرات الصوت وشتى الالحان التي يشنفون اذاننا بها كل يوم واحيانا يتنافسون بمن صوته اعلى من الاخر - واحيانا تصل المنافسة للشجار هذه الحلبة هي الشارع طبعا تحت شباكنا - اولادي يعانون جدا من هذه الظاهرة الغير حضارية والمؤذية للذوق العام - وقد اشتكينا اكثر من مرة للسيد رئيس مجلس مدينة دوما ولم تجد اي تجاوب - علما ان المياه هي مفلترة وصار لها مراكز توزيع والسائقين هم اكثرهم لا يحملون رخص سير نظامية مستهترين بحياة الناس وقد حدثت بعض الحوادث الرعناء من قبلهم - نرجوا حلا لهذه المشكلة ولكم جزيل الشكر
دوما		enjoy-go@hotmail.com

2010-07-28		أعاني من ارتجاج بالدماغ
تحياتي للأستاذ عمر عيبور وأما بعد الله يوفقكن زفتولنا هالشوارع والله صار معنا ارتجاج بالدماغ والله
دوما		.

2010-07-28		نرجو الاهتمام بهذا الموضوع
تحية طيبة للاستاذ عمر عيبور ونرجو منو ان يبحث مع النقل موضوع الباصات لانو الحالة ما عم تنطاق اذا بدنا نروح على الشام بدنا ساعتين نرجو منو ان يبحث بهل موضوع وله جزيل الشكر
دوما		.

2010-07-27		مواطن من دوما الابية
الرجاء من السلطة المعنية ان تسعى في تنفيذ مخطط دوما الصادر منذو زمن بعيد والى الآن لم ينفذ وارجو المتابعة في المحافظة
دوما		..................................................

2010-07-27

أفلحنا وجينا زيارة للوطن

يعني والله عيب هل مسخرة ال باصات ملوك حرام هل الوضع وين الباصات بدي ساعتين لحتا وصل لشام جيبونا مكاري جديد عيب عليكون ال ملوك.

بعدين نهر دوما كلو زبالة وأمراض لك نضفوا ولا بس شاطرين تسدوا النهر من جهت الأغنياء جهت حارت الديري فقراء لازم يضل في زبالة ((الله يحمي سوريا وقئدها الدكتور بشار.

ارض الله الواسعة

2010-07-26		زين
نقترح نقل مكاري النشابية ومسرابا لجنب حديقة الجلاء هيك بيشغل مكاري دوما الداخلي ولكم جزيل الشكر....
دوما		mostofoozen@yohoo.com

2010-07-26		بشيرو
على مايبدوان الشغل الشاغل للاهالي وساكني مدينة دوماهومشكلة النقل الحضاري الذي تشرف عليه شركة مستثمرة عديمةالخبرة تماما"في مجال النقل همها الوحيد هوجمع المال دون مراعاة هم اي مواطن نرجومن القائمين على امورالنقل في دوما ايجاد الحل المناسب قبل حلول شهر رمضان
دوما		bisho.76@ hotmail

2010-07-26		مواطن يشكو من ملوك وباصاته
انا مواطن اعمل في الشام كل يوم بتأخر عن عملي حوالي النصف ساعة بسبب باصات ملوك نرجو ان يعيدو المكاري وان يطردو باصاته
دوما		.

2010-07-25		طالب علم يرجو رجوع المكاري القديمة
طالب علم يرجو رجوع المكاري القديمة ألى خط دمشق حرستا دوما و بأسرع وقت
دوما		.

2010-07-24		محمد سامر بويضاني
تقترح أن يكون خط سير المكرويات الداخلية من بعد البلدية بجهة الغرب حتى نادي دوما الرياضي حتى يخدم المواطنين المقيمين خلف البلدية
دوما الأبية		mohmad737@gmail.com

2010-07-22		مواطن مهموم
باصات الهوب هوب بألوان جديدة: لماذا تم سحب باصات مؤسسة النقل الداخلي المتطورة ذات اللون الأخضر من خط دوما ووضعها للاستثمارات الخاصة ولماذا خط دوما بالتحديد دون غيره من الخطوط ، لم أكن لأطرح هذا التساؤل لم لم أعاني الأمرين يومياً من سوء الركوب في هذه الباصات وعدم اهتمام الشركة المستثمرة بمصلحة المواطن حيث تصر على بقاء عدد الباصات العاملة على الخط دون الحد المطلوب مما يجعل المواطن يدفع الثمن وحده ولا يجد أمامه إلا أن يصعد هذه الباصات ويبقى واقفاً في معظم الأحيان حتى يصل إلى مكانه المنشود منهكاً من تعب الوقوف طوال الطريق.
سوريا		.

المتواجدون الان : 9

www.doumacity.com

عدد الزوار : 59288

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.

Content on this page requires a newer version of Adobe Flash Player.